Mothers Day | Marathi poetry | मराठी कविता (Marathi Poem) | माय माझी |

आईच वात्सल्य शब्दात सांगणे अशक्यच परंतु एक कृतज्ञतेचा भाव म्हणून मातृदिनाच्या निमित्ताने ही कविता लिहीत आहे. 

माय माझी 

हरिणीपरी व्याकुळ । गायीहुन प्रेमळ ।
वात्सल्य तुझे मजवर । अपरिमित ।।

सागराची अथांगता । आकाशाची विशालता ।
तुझ्या मायेची भूल । अपरिमित ।।

स्वप्नांचा डोंगर । प्रकाशाचे वलय ।
गुण गाईन तुझे । अपरिमित ।।

सूर्याहून प्रखर । चंद्राहून शीतल ।
तुझ्या कुशीतला स्वर्ग । अपरिमित ।।

वज्राहून कठीण । ममतेचा सागर ।
लाखांत एक तूची । माय माझी ।।

- मानस