उसणेच राहिले

जीवनात अनेक वेळेस अनेक जण आपली मदत करतात. आपण बऱ्याचवेळा ती मदत विसरून जातो किंवा ती मदत त्याच व्यक्तीपुरती मर्यादित ठेवतो आणि त्याच्या कर्जातून  मुक्त झालो असे समजतो. अनेकवेळा आपल्याशी कोणी विचित्र व्यवहार केल्यावर आपण त्याला प्रत्युत्तर न देता आपला चांगुलपणा जपतो.
अश्या एक ना अनेक चांगल्या - वाईट गोष्टी आपल्याकडेच राहिलेल्या असतात, उसण्या . 
आणि हे उसणेपन मिटवणे गरजेचे नसतेही परंतु आपल्याला स्वतःला त्याची जराशी जाणीव असावी म्हणून ही कविता .... 

उसणेच राहिले

माणुसकीची जात ,हातातील हात 

उसणेच राहिले 

नेमक्या वेळी धावून येणे 

उसणेच राहिले

जगण्याचे सूत्र ,ज्ञान सगळे पवित्र 

उसणेच राहीले

मी केले मी केले हे बोलणे

उसणेच राहीले.

ओठांतील शब्द ,अनौघ अपशब्द

उसणेच राहिले

प्रेमळ मृगजळ भासवणे

उसणेच राहीले....

          - मानस

🙏